| 10 | Fàill-ill-ó agus Hó-ro éile - A Fhleasgaich Dhuinn | 10 |
|
Séist Fàill-ill ó agus hó-ro éile Fàill-ill ó agus hó-ro éile Fàill-ill ó agus hó-ro éile A fhleasgaich dhuinn nach ann duinn a dh'éirich |
|
1 Saoil sibh fhéin nach mi 'bha truagh dheth, Feasgar foghair air achadh bhuana; A h-uile té 's a fear fhéin r' a guallainn, 'S mo leannan donn-sa air bhàrr nan cuantan. 2 Shiùbhlainn, shiùbhlainn, shiùbhlainn fhéin leat, Shiùbhlainn, fada troimh choill nan géug leat; 'S 'n uair bha mi òg 's mi air bheagan céile, Gur e do ghaol-sa a rinn mo léireadh. 3 Gheall mo mhàthair fàinne òir dhomh; Gheall m' athair buaile bhò dhomh; 'S ged gheibhinn sud 's an saoghal mór leis Gur mór gu 'm b' ànnsa leam gaol an òigeir. |
4 'Phiuthar ghaolaich dean gu réidh rium; Cum an crodh 'us na laoigh bho chéile; 'S ged ghabh mi 'm poca 's ged dh' iarr mi'n déirce, Na cumaibh uam-sa mo rogha céile. 5 Dé na'm faicinn thu seach a' bhuaile! Sgealb mi 'n cuman 'us thilg mi 'bhuarach; Chuirinn fhéin mo dhà làmh mu'n cuairt duit; 'S có, a ghaoil, sin a chumadh uam thu? 6 Cinnidh dóbhrachain anns an earrach; Cinnich ùbhlan air bhàrr nam meangan; Bheir sug 'am chuimhne-sa póg mo leannain, 'S a h-uile té dhiubh air bhlas na meala. |
|
Séist Fàill-ill ó agus hó-ro éile Fàill-ill ó agus hó-ro éile Fàill-ill ó agus hó-ro éile A fhleasgaich dhuinn nach ann duinn a dh'éirich |
|
1 Saoil sibh-péin nach mi tha thruagh dheth, Feasgar foghair air achadh bhuantan, A h-uile té 's a fear fhéin r'a guallainn, 'S mo leannan donn-sa air bhàrr 'nan cuantan. 2 Dé na faicinn thu seach a's an fhraoich rium, 'Chaileig bhòidhich a leadain chraobhaich; Laighinn féin leat air bheagan aodaich, Ged bhiodh an sneachda g'a chur 's an aonach. 3 Thug mi gaol dhut 's cha tug mi fuath dhut, Tha mo chàirdean uile 'n gruaim rium, 'S minig a dh'iarr e riamh nach d'fhuair e, Uisge blàth thoirt o leachdain fuara. 4 'S trom an cudtrom air built mo bhrògan, 'Dol do'n chladach air Di-dòmhnaich, Feuch am faic mi ann an t-òigear, An giullan donn ud a gheall mo phòsadh. |
5 Thuirt mo mhàthair gu chridheil, caoin rium, A chaileag nàrach na cuir diù ann, 'S ciamar 's urrainn mise ghiùlan, 'S gu bheil do phòg rium air bhlàs 'nan ùbhlan? 6 Gheall mo mhàthair òr dhomh, Gheall m'athair buaile spréidh dhomh 'S ged gheibhinn sud is an saoghal mór leis, Gu mór gum b'annsa leam gaol an òigear. 7 A phiuthar ghaolach, dean gu réidh rium, Na cum an crodh is na laoigh o chéile, 'S ged a bhithinn-se air an déirce, Na cumaibh bhuamsa mo ròghainn céile. 8 Dé na'm faicinn thu seach a' bhuaile, Sgealb mi'n cuman 'us thilg mi 'bharach; Chuirinn féin mo dhà làimh mu'n cuairt dhuit, Is có, a luaidh, sin a chumadh uat mi? |
|
9 Cinnidh sòbhraichdan anns an earrach; Cinnidh ùbhlan air bhàrr na meangan; Bheir sud 'am chuimhne-se pòg mo leannain, 'S a h-uile té dhiubh air bhlàs na meala. |
|
|
Courtesy of
An Cliath Clis
www.ancliathclis.ca