| 28 | Fàill Ill Ò Ro, Fàill Il Ó Ro | 28 |
|
Séist Fàill ill ó ro, fàill ill ó ro Fàill ill ó ro éile, Hi rithill uithill agus ó, 'S na thugaibh hó ro éile. |
|
1 Gur mise tha trom, airtneulach, 'S a' mhadainn a's mi 'g éirigh; Tha ghaoth an ear a' gobachadh 'S cha 'n i mo thogairt fhéin i. 2 Tha ghaoth an ear a' gobachadh 'S cha 'n i mo thogairt fhéin i; 'S i ghaoth an iar, a b'àite leinn, A's lasan oirre 'g éirigh. 3 S i ghaoth an iar, a b'àite leinn, A's lasan oirre 'g éirigh; Gu'n tigeadh oirnn am bàta D'am b'àbhaist a bhi treubhach. 4 Gu'n tigeadh oirnn am bàta D'am b'àbhaist a bhi treubhach; Uachdaran an tìr oirre--- Mo dhìth ma dh'éireas beud dha. 5 Uachdaran an tìr oirre--- Mo dhìth ma dh'éireas beud dha; Uachdaran na dùthch' innte-- Gu bheil mo dhùrachd fhéin leis. 6 Uachdaran na dùthch' innte-- Gu bheil mo dhùrachd fhéin leis; Hi rì gu'm b'àit' leam fallain thu, Ad chaisteal ann an Sléibhte! 7 Hi rì gu'm b'àit' leam fallain thu, Ad chaisteal ann an Sléibhte; Far am bi na fìdhleirean, 'S na pìoban ann ga 'n gleusadh. 8 Far am bi na fìdhleirean, 'S na pìoban ann ga 'n gleusadh; A's far am bi na gillean òg Is bòidhche théid fo'n éideadh. |
9 A's far am bi na gillean òg Is bòidhche théid fo'n éideadh; Far am bi na h-ighneagan, (Bu bhinn leam bhi ga'n éisdeachd.) 10 Far am bi na h-ighneagan, Bu bhinn leam bhi ga'n éisdeachd; Is bòidhche théid air ùrlar An àm a' chiùil a ghleusadh. 11 Is bòidhche théid air ùrlar An àm a' chiùil a ghleusadh; Is iomadh òigear furanta Cruaidh, fulangach lo féile. 12 Is iomadh òigear furanta Cruaidh, fulangach lò féile; A dh'éireadh leat, a Dhòmhnuill Na'n d'rachadh tòir air Seumas. 13 A dh'éireadh leat, a Dhòmhnuill Na'n d'rachadh tòir air Seumas; Dh'éireadh, Mac-Mhic-Alasdair 'S Gleann-garaidh leat le chéile 14 Dh'éireadh, Mac-Mhic-Alasdair 'S Gleann-garaidh leat le chéile; A's dh'fhàgainn-sa mo dhùthaich Air chumhnant a bhi réidh riut. 15 A's dh'fhàgainn-sa mo dhùthaich Air chumhnant a bhi réidh riut; Bheirinn sgriob a Lunnainn leat Na 'm biodh mo thuras réidh dhomh. 16 Bheirinn sgriob a Lunnainn leat Na 'm biodh mo thuras réidh dhomh; Ach 's mise tha gu muladach, Air m'uilinn, a's mi 'g éirigh. |
|
|
Courtesy of
An Cliath Clis
www.ancliathclis.ca