| 83 | Bhi 'G An Cuimhneachadh 'S 'G An Ionndrainn | 83 |
|
Séist Bhi 'g an cuimhneachadh 's 'g an ionndrainn, Na fir ùra dh'fhalbh thar sàile; Bhi 'g an cuimhneachadh 's 'g an ionndrainn. |
|
'S ann Di-luain a dh'fhalbh na fleasgaich, 's ghabh iad an cead de'n càirdean. 'S gum b'e siod a' chuideachd rìoghail, B'onair iad dh'an tìr a dh'fhàg iad. Caiptean Donnachadh, mac Mhic-Dhùghaill, Leis an d'fhalbh na fiùrain àluinn. Ma 's e mac thu fhéin mar d'athair, Dheanadh tu'n toirt dhachaidh sàbhailt'. Anns gach gàbhadh agus cunnart, 'S mór an t-urram fhuair na Gàidheil. Dh'fhàgadh iad na Goill gu h-ìseal, Cuid 'n an sìneadh air am mhàgan. Ogh' Iain Chiar a bha'n Dùn-Ollaich, Rachadh togarrach 's na blàraibh. 'S o'n 's e Donnachadh làmh bu chruaidhe, 'S tric a fhuair e buaidh air nàmhaid. 'S tric a fhuair e buaidh le onair, 'S ann tha'n cothrom aig an dràsd' orr'. Le chuid ghillean sgairteil, gleusda, Làidir, reubhairteach, neo-sgàthach. Théid iad uile deas 'n an tarraing, Grad mar dhealanach fo làmh-san. 'S geal an claidheimh 's an crios-guailne, Dh'éireadh buaidh le sluagh mo ghràidh-sa. 'S ann Di-Luain a dh'fhalbh na gillean, 'S leam bu mhilis an deoch-slàinte. |
It was on Monday that the young men departed And took leave of their friends. They were, indeed, a princely company, An honour to the land they left behind. Captain Duncan, son of MacDougall, With whom the handsome heroes departed. If you are a son like your father, You would take them back home safely. In every peril and danger, Great was the fame won by the Gaels. They would leave the foreigners lying low, Some of them stretched out on all fours. Grandson of Swarthy John who was in Dunollie, Who would go forth to the battlefields willingly. And since Duncan was the hardest of hand, He often conquered his enemies. He often conquered with honour; He has a good chance of winning just now. With the help of his men who are Vigorous, eager, strong, disciplined and unafraid. They will all be ready to attack As soon as lightning under his command. With their glistening swords and shoulder-belts, My beloved company would be victorious. The youths departed on Monday; Toasting their health was sweet to me. |
|
|
Courtesy of
An Cliath Clis
www.ancliathclis.ca